Laiak

Joxan Ormazabal ez nuen gehiegi ezagutzen, aitortu behar dut, baina duela aste batzuk ETB3ko Sautrela saioa ikusteko aukera izan nuen eta elkarrizketa horretan Joxanek berak aipatu zuen pasarte batekin geratu nintzen. Eskola batera joan omen zen bere liburu bati buruz gelan egindako hausnarketaz aritzea. Haurrak, 8 eta 9 urtekoak, galderak egiten hasi ziren eta halako baten neskato batek, eskua altxatu eta zera esan zion: -”…neri ez zait irakurtzea gustatzen.”
-”Lasai, nik ere zure adinarekin ez nuen gustoko, denborarekin iritsiko zaizu zaletasuna” erantzun omen zion Joxanek.
-”Ez, baina…” jarraitu nahi izan zuen neskak. Joxan esaldi horretan bigarren zatia zegoela ohartu zen.
-”Baina…zer esan nahi duzu horrekin?” galdetu zion.
-”Ba…, zure liburua gustatu egin zait”
Ikustekoa da Joxanek pasarte hau nola kontatzen duen, erdi-lotsatuta. Bere heriotzaren berri izan nuenean elkarrizketa honetaz gogoratu nintzen eta berriro ikusteko aukera izan dut. Jarraian duzue Sautrelak eskeini zion saioa bere osotasunean ikus eta entzuteko aukera. Merezi du.

Izen hori burutik kendu ezinik nabil gaurkoan. Barrabes kirol dendak duen webgunean ezagutu ahal izan dut Annapurna aldean gizaseme honek izan duen jarrera, eta bera izan omen zen Iñaki Otxoa de Olza, gaurko lekutik oso gertu, azken unerarte laguntzen saiatu zena. Hemen Iruñatik pasa zenean eginiko bideoa. Albisteari utzitako zenbait iruzkinek hunkitu egin naute. Bejondeizula Horia!

Eguraldi zoragarria gaur Andoain aldean. Eguzkia nagusi eta gu itzalaren bila, Itzalagunean. Bertan, Blog Soviet bat ospatu dugu, Teketenek  gidatuta, eta horren ondorioz, orain ikus dezakezun bloga jaio da. Zertarako? Nik ere oso ondo ez dakit. Ikusiko dugu…